2023-жылдын 18-февралында Бишкек шаарынын Асаналиев көчөсү боюнча Лев Толстой көчөсүнөн Москва көчөсүнө чейин канализациялык коллекторду куруу иштери башталат.

Диаметри 1000 мм болгон канализация түтүктөрүн коюу боюнча курулуш-куроо иштеринин жүргүзгөндүгүнө байланыштуу унаалардын кыймылы токтотулат.

Бишкек шаарынын мэриясы убактылуу ыңгайсыздык жараткандыгы үчүн кечирим сурайт, шаар тургундарын жана борбор калаанын конокторун альтернативдүү жолдорду алдын ала тандап алууну суранат.

МААЛЫМАТ: канализациялык коллектордун курулушу 2022-жылдын сентябрында башталган. Коллектордун жалпы узундугу - 11 км. Жаңы канализациялык коллектору Бишкектин түштүк жана батыш бөлүгүнүнүн тургундарын жаңы сууну бөлүштүрүү (канализация) системасына кошууга мүмкүнчүлүк берет.  

Канализациялык коллектордун курулушу «Бишкек шаарынын суу менен жабдуу жана канализациясын реабилитациялоо» долбоорунун II фазасынын алкагында жүргүзүлүүдө.